إصلاح دائرة باور فلوميتر ABB Kent-Taylor MagMaster

وصف الجهاز Electromagnetic Flowmeter Instrumentation

العطل Power Supply Repair

دائرة الباور Flyback UC3845

ABB Kent-Taylor MagMaster Flowmeter Power Supply SMPS MOSFET

وصف العطل

الجهاز كان فاصل باور تماماً، ودائرة الباور من نوع Flyback وبتستخدم المتحكم UC3845.

المكونات اللي اتلاقت ضاربة

• UC3845 – PWM Controller.

• Switching MOSFET.

• Gate Resistor.

• Source Resistors.

• Auxiliary Winding Resistor.

• BJT Transistor.

• Output Diode.

المكونات والقيم المستنتجة

بسبب إن فيه مكونات كتير كانت ضاربة أو أرقامها مش واضحة، حاولت أحدد قيمها وأنواعها من خلال شكل الدائرة وتتبع المسارات.

استنتاج المكونات

ترانزستور الستارت أب

حطيت UC سليم وجربت الشغل لقيت مش واصله فولت. مع تتبع الجزء المسؤول عن الستارت أب لقيت ترانزستور PNP شورت بين الـ Base والـ Emitter، والفولتج دروب عليه بيوصل 150V وتيار 20mA. كان عندي بديل قريب فحطيته.

مقاومات السورس

مقاومات السورس هي اللي بتحدد أقصى تيار بيمشي في الموسفت، عشان كده لازم أحدد التيار ده. الـ UC3845 بيقفل النبضة لما الجهد على طرف الـ Current Sense يوصل لحوالي 1V:

$$ I_{peak} = \frac{V_{cs}}{R_s} $$

يعني بمقاومة 1Ω الحد يبقى حوالي 1A.

أول حاجة عملتها بصيت على البريدج لقيته 1A، ومعنى كده إن التيار ممكن يبقى أعلى بشوية، فحطيت مقاومة 1Ω وحطيت حمل على خرج الشوبر يسحب الأمبير كامل، وشفت أعلى تيار في الموسفت لقيته حوالي 0.7A في أقصى حالاته. ولقيت إن الـ UC بيعمل Limit من ناحية الـ Voltage Regulation مش من الأمبير، فالمقاومة كويسة جداً: بتحمي الموسفت ومش بتأثر على التيار. وعشان SMD وزيادة الواط، حطيت مقاومتين 2Ω على التوازي (2Ω // 2Ω = 1Ω)، كل واحدة 1W.

الموسفت

الموسفت الأصلي اللي ضرب مش متوفر، وكان عندي 2SK3565 (900V / 5A)، وده بديل مناسب جهداً وتياراً.

دايود الخرج

أول حاجة جت في دماغي هي دايود الخرج بتاع الشوبر اللي اتحرق، لأنه مالوش Datasheet هو ولا اللي جنبه. شوفت خرج الـ UC بالأوسيلوسكوب لقيت تردده في حدود 60kHz، وقست الدايود بوضع الـ Diode Test زي الدايودات التانية لقيته في حدود 0.4V. بناءً على كده والدايودات اللي شبهه رجّحت إنه Fast/Ultrafast مش Schottky، واخترت ES2D (200V / 2A). قراءة الـ Diode Test والتردد مش دليل قاطع لوحدهم، فالاختيار اتبنى كمان على جهد الخرج وتياره.

كان في حاجات تانية فاصلة بس دي كانت سهلة وواضحة قيمتها، زي المقاومة اللي بتودي من مقاومة السورس للـ UC دي كانت 2kΩ، ومقاومة الـ Auxiliary اللي بتودي من ملفات الشوبر للـ UC كانت 10Ω. وغيرت معظم المكثفات الإلكتروليت عشان قربت تبوظ.

ملاحظات

• مقاومتا الـ Source، كل واحدة 2Ω و1W على التوازي، وبتستخدم لقياس تيار الـ MOSFET.

• مقاومة الـ Auxiliary Winding قيمتها المستنتجة 10Ω.

• الترانزستور المستخدم من نوع PNP وبجهد تحمّل مستنتج 150V، ولازم يفصل بعد ما الملف المساعد يتسلم التغذية.

• دايود الـ Auxiliary لسه ما اتحددش، يتضاف بعد التأكد منه.

• دائرة الباور بتعتمد على ملف مساعد في المحول (Auxiliary Winding)، والملف ده بيستخدم في تغذية دائرة التحكم بعد بدء التشغيل، مع احتمال استخدامه في الـ Feedback.

ملاحظات على التوثيق

القيم والأنواع اللي عليها استنتاج تم اختبار الدائرة بيها.

كان فيه مكونات تانية تالفة أو أرقامها غير واضحة، لكن حاولت أحدد أكبر قدر ممكن منها اعتماداً على تركيب الدائرة.